شعيرية باللحم والفطر (من طبخاتي)

مرحبا
هذه ثاني طبخة من اختراعي
يمكن شكلها مايعجبكم لان صورتها بالجوال
بس إن شاء الله يعجبكم طعمها مثل ماعجبني



المقادير:
كيس شعيرية سريعة التحضيرمثل:اندومي أوتويا
فطر (مقطع شرايح من العلبة) زيتون (مقطع شرايح من العلبة)
ملعقة جبن بوك ملعقة مايونيز
اللحم(همبرجر لحم او كباب أو كفتة أو كبة )
تكون مجمدة من الفريز وجاهزة للقلي
ملح فلفل أسود فلفل أحمر بهارات بزار مخلوط كركم
_____________


الطريقة:
نكسر الشعيرية وهي في كيسها إلى قطع صغيرة
نحط الشعيرية في قدر الماء المغلي ونحذف البهارات اللي تجي معاها في الكيس
ونضيف معاها الملح والبهارات من البيت والكركم

وعلى ماتغلي الشعيرية نقلي اللحمة على الزيت
اللي بتكون ياأما همبورجر او كباب او كفتة..

نجيب صحن غزير او زبدية (زي ماتحبي)
نحط فيه الزيتون والفطر وملعقة جبن بوك وملعقة مايونيز ونخلطهم

بعد ماتنضج الشعيرية نصفيها من الماي(بالغربال- المشخال)
أو بس تميلي القدر والماي بينزل
ونحطها في الزبدية مع المقادير السابقة ونخلطهم

ونشيل اللحمة من المقلى ونقطعها ونحطها على الصحن معهم
ونضيف الفلفل لو تحبي الطعم يكون حار

وناكله بملعقة

وبالهناء والشفاء

الموضوع في غاية الروعة
انتظر كل جديدك