احلى محشي كرنب

الأربعاء 20 أبريل 2011, 10:09 am

محشي كرنب

احلى محشي كرنب 4931_1302825425

[center]أول شيء.. الكرنبة تقطعي الدائرة الي من تحت وتسوي مخروط بحيث تتخلصي من الجزء القاسي الي بالنص..

وتحطيها بقدر عميق فيه موية فايرة وتسلقيه على النار وكل شوي تطلعي الغلاف الأخير هو مع الحرارة ينفك..

عملية متعبة.. بس يطلع لك الورق كامل مو مكسر..

\

/

\

ماء السلق:

مرقة دجاج تسلقيها مع بهار حب وبصل..

أو

ليمون كمية كبيرة + زيت زيتون+ ملح+ موية فايرة.. كمون وفلفل ..(خلي النكهة محذقة كثير)

\

/

\

/

الحشوة:

بقدونس مفروم نص حرزمة+ شبت مفروم حزمة او نص+ نعناع مفروم نص حزمة( مقادير تقريبية) طبعا الخضار حلو تكثريها لأنها تنكه الرز..

كمية من عصير الليمون.. لو عندك ملح الليمون ممكن يقل عدد الليمون

كوب او ثلاث..رز مصري منقوع كم ساعة.. افضل شيء منقوع..

وتسوي كشنة: تحمري بصل وثوم وتحطي الطماطم المخلوطة بخلاط العصير.. وكم ملعقة صلصة. وتخليها تتسبك.

البهار الي تحبي بس مهم القرفة.. الناعمة.حطي كمون كزبرة فلفل اسود سماق كثري أي بهار على ذوقك..

بعد ماتتسبك الكشنة..

تخلطي الرز+ الخضار الورقية + الليمون + الكشنة بزبدية وزيدي الملح والليمون
وخلي الليمون والملح زيادة شوي..عشان الرز يصير سامج لمن يستوي..

كذا الحشوة جاهزة: طبعا ماتوضع على النار مجرد خلط كل شي مع بعض..

عادي تلفي الورق مع الحشو وترصيه بصينية فيها حلقات بطاطس وممكن حلقات بصل..

وتسلقية بمرقة دجاج من قبل مجهزتها( هذي المرة سويت زيا لي فوق لأني كنت مستعجلة) وترشي على الوجه نعناع مجفف

تخليها على نار عالية لين تغلي بعدين وطيها وخليها على نار هادية.. ممكن نص ساعة.. مو كثير..

الي اخذت منها الطريقة تخليها عشر دقايق..لأن الورق مستوي بس حق الرز.. انا احس قليل..اخليها اكثر

وبعدين افتح الغطاء تتشرب الموية..

لاتتحمسوا و تأكلوا وهو حار خلوا يبرد..

كان نفسي ارتبوا لكم.. بس مااعطوني فرصة..كانوا ميتين جوع.. والريحة صعيبة..

وتمتعي بكرنب يهبل ..

ويقدم مع الليمون..وبألف عافية

منقول..

[/center]

الأربعاء 20 أبريل 2011, 1:10 pm

احلى محشي كرنب

احلى محشي كرنب

رد: احلى محشي كرنب