فطيرة الزعتر الشامية بالبن الصويا

فطيرة الزعتر الشامية بالبن الصويا

فطيرة الزعتر
المقادير:
1 كوب دقيق
ملعقة صغيرة خميرة فورية
3 ملعقة كبيرة زيت زيتون
ملعقة صغيرة بيكنج بودر
½ ملعقة صغيرة سكر
½ كوب زعتر
½ كوب سمسم
كوب لبن دافئ(لبن الصويا-كريمر)
1 بيضة يمكن الاستغناء عنها
ملح

الطريقة:
1-
اخلطي الدقيق في طبق غويط مع البيض( يمكن الاستغناء عنها )والخميرة
والبيكنج بودر والملح والسكر وملعقة زيت زيتون، واعجنيهم باللبن(لبن
الصويا-كريمر)، لحد المزيج ما يختلط كويس، وتبقى عجينة طرية في إيدك ومش
بتلزق في نفس الوقت، وسيبيها تختمر نص ساعة.

2- اضربي السمسم مع الزعتر في الكبة، وبعد كده ضيفي عليهم زيت الزيتون واعجنيهم بيه، لحد ما يبقى مزيج طري وناعم.


3-
قطعي العجينة كور، واعمليها فطاير حجمها متوسط، وافردي عليها الزعتر،
وحطيها في صينية، ودخليها الفرن على درجة حرارة 170 لمدة نصف ساعة ولحد ما
وشها يحمرّ، وقدميها مع سلطة زبادي..
وبالهنا والشفا

شهية جدا
سلمت يداك