زوجى مسافر ولا اراه منذ اكثر من سنتين!!!!وعشان اشغل فراغى.....ما الحل؟

زوجى بيسافر كتير وبصراحة كل مرة بيسافر سنتين
وبييجى شهر ونص
بحس تجاهه بفطور لانى بحسه غريب عنى
ووقت سفرة مش هخبى عليكم بقضى وقت فراغى بالكلام فى التليفون
طبعا هتقولو عادى المشكلة بكلم مع مين
اول مرة اتصل بى شخص وقلت النمرة غلط
 اتصل تانى وفضل يتصل قلت وماله ده كلام فى الهوا
 وكانت البداية وكل مكالماتى مع هذا الشخص
ولكن طلب ان نتقابل وانا رفضت بس مش عارفة اعمل اية
اتمنى الحل اتمنى ان تفيدونى
ان تقريبا ما بقا عندى مشارعر تجاه زوجى
ومش قادرة افكر
حتى زوجى لا يتصل بى الا كل شهر مرة دقيقتين او 3 بسرعة عشان سعر المكالمة
يعنى هوه السبب الاساسى فى اللى انا فية
ما الحل؟؟
!!!!!!!!!!!!!!!!!!!!!!!!!!!!!!!!!!!!
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سفر الزوج بيكون الفرصة اللى بتتمناها الزوجات عشان الزوج يسافر وتجهزى بيتك من جديد على كيفك واطفالك يروحو مدرسة زى جارتك ام فلان طفلها طبعا مش احسن من طفلك
لازم يروح المدرسة الفلانية وأجهز مطبخى كلة من احدث الاجهزة
والزوج بيسافر ويطلع عينه عشانك انتِ واطفالك
ولما الزوج بيحس بطعم القرش للاسف ما بيقدر ابدا يبعد عنه
السفر دلوقت بقا ادمان اللى يجربة ما بيقدر يفوته
وبعدين لو المكالمات التليفونية قليلة عشان سعر المكالمة الدولى
اعتقد ان النت والشات بيسهل كتير عملية التواصل بين الزوج المسافر وزوجته او الابن وامه او الاخ واخته
دى مش مشكلة ولا استوعب ما كتبتية لان فى بديل للتواصل غير التليفون
وترك الزوج للزوجه كارثة تدع الزوجة ان تبحث عن البديل
الزوجة المؤمنة يكون
البديل لها فى الفراغ اللى فى حياتها بيكون الام او الاخت او اطفالها او
صديقة مخلصة مؤمنه صالحة تكون نافعة لها وعون لها
اما لاقدر الله بعض
الزوجات تلجأ للمحادثات التليفونية مع اشخاص لا تعرفهم وان تقبل على ممارسة علاقات غير مقبولة من الدين ولا المجتمع
وفى بعض الاحيان بتكون الخيانة الزوجية سببها ان الزوجة غير مؤمنه وغير مؤتمنه ايضا
لا بسبب ان الزوج مسافر لان الزوجة اللى عندها الرغبة فى الخيانة بتحاول تدور على سبب تضحك بيه على نفسها وعلى خالقها
اختى احب اقولك انك فى بداية طريق اخره لا يعلمة غير الله
ولا حول ولا قوة الا بالله استعينى بالله اختى وابعدى الشيطان عنك لانك بترمى نفسك الى التهلكة
وانظرى الى اهلك وزوجك ولو عندك اطفال ستجلبين لهم العار طوال العمر
ولو انتِ فعلا حابة ان تستمعى للنصيحة اول شىء اكسرى خط التلفون وهاتى رقم جديد
وابدأى صفحة جديدة مع نفسك ومع الله
الله يهديكِ اختى
ولا حول ولا قوة الا بالله