إزاى أعامل زوجى؟

اختى العزيزة دى مشكلة لكتير من الزوجات
زوجك من النوع اللى ما بينفع معاه محايلة بالعكس خليكى بارده ومعلش فى اللفظ فعلا دى الطريقة الوحيدة
لانك لما بتحيلى هوه بيزيد اكتر ولما تتعصبى بتكونى الغلطانة
حاولى تمتصى غضبك وتكونى هادئة ولو فى فرصة انك تبعدى لغرفة تانية او تشوفى اى شىء يبعدك عن الشجار بينك وبينه ده هيكون فى مصلحتك لانك هتديلة فرصة انه يراجع نفسة
وفرصة لنفسك تهدى اكثر
وياريت ما تبتدى ابدا فى الشجار ولا تعطى الامور اختى اكثر من اللازم لانك انت الوحيدة اللى هتتأثرى من الخلافات نفسيا وصحيا واعلمى ان الدنيا زائلة وان لاقدر الله لو أصابك مكروه من كثرة الخلافات والشجار بينك وبين زوجك سواء نفسيا او صحيا وقتها لا زوجك ولا اى شخص هينفعك

اما بخصوص عدم اتصاله بك عند سفرة

هرجع للنقطة الاولى اختى العزيزة وهى هتكون حل للمشكلة الثانية مشكلة التليفون
لو ما فى بينكم مشاكل قبل السفر ما هيكون بينكم مشاكل وقت السفر
والزوج اختى مفيش مانع من انك ترسلى له رساله حب فهو زوجك وكل ما لكى بالدنيا
ودليل على ذلك انك حابة ان حياتكم تكون مستقرة
وصدقينى كلة بأيدك
امتصى غضبك ولا تبدأى ابدا بالاسئلة والنقاش اللى انت عارفة انه هيوصلكم للمشاكل
وياريت لو كنت ذكرتى لى بقالك كام سنة زواج وعندك اطفال ولا لاء
والمشاكل بسبب اطفالك ولا العائلة
كنت قدرت افيدك اكثر
اخيرا اختى اتمنالك حياه سعيدة هادئة