امهات كجى وان باللا اجمع حالا

يالا يا امهات ندردش سوى عن كجى وان وعن المدارس وكل اللى يخطر على بالك
نساعد بعض ونقول راينا فى مدارس اولادنا
مين هيبتدى

هبتدى انا :lol:
ابنى فى مدرسه الفراعنه القوميه
المدرسه جميله عيبها بس انها صغيره
واحلى ما فيها شغلها كتيير وحلو وفى نفس الوقت مش مرهق للطفل
يالا يا بنات عاوزه تشجيع :P

ومدرسة بلقيس بنتى جلها تنسيق فيها
لان سنها صغير
بس بصراحه كنت زعلانه فى الاول وقلت اهى سنه واحولها بس طلعت مدرسه جميله
وبنتى مبسوطه فيها وكمان كل يوم بتتعلم حاجه جديده

طب الحمد لله انها عجبتك ويارب تفضل دايما عند حسن ظنك بها

على فكره كده مدارس اولادنا قريبه من بعض فى المكان هههههههه
قولى لى يالا عامله ايه معاه فى الكجى والهوم ورك عاوزه تقرير بالتفصيل الممل

اول تقرير لى عن مدرسه الفراعنه
المنهج ماكميلان يو اند مى كتاي جميل جدا ده غير انهم ادونا 6 story
وكمان السى دى بتاعه الكتاب والسى دى بتاعه القصص
وعملونا الاسبوع ده املاء للحروف العربى والانجليزى اللى اتاخدت
والهوم ورك كل يوم والحمد لله
ده غير الشيتات

انا بقا لسه ههههههههههه
ادعولى احصلكم عن قريب
وانا هكتبلكم اسم المدرسه

عبير الزهور
هادعى لك من كل قليى وهنستناكى هههههههه
تابعيناواهو تاخدى خبره مننا ونساعد كمان فى اختيار المدرسه
بس انتى ما تتاخريش علينا

اه انا ولادى عدو المرحله دى من زمان
ههههههههههههههههههههه
عجزت خلاص

اهلا ام حبيبه
عاوزه اقولك على سر بس اوعى تقولى لحد هههههههههههه :lol:
انا كمان عجوزه شويه :oops: وباعيده من تانى
عندى كل المراحل من الكجى للجامعه :shock:

انا الحمد الله وصلت بسلامة

انا طبعا اكيد معاكى

اهلا اهلالالالا
نورتى يا جميل

منور بيكى والله

اخبار الهوم ورك ايه النهارده كتيير ولا

:D بس بين علية منتدى حلو اوى

ماهو اسكندرانى علشان كده حلو

الحمد الله الهوم ورك ارقام انجليزى وحرف fوالعربى الكتاب والكراسة

اسكندرية حلو بكل ما فيها انا مقدرش اعيش فى اى بلد تانى غير اسكندرية

لو عوزة اجيب المشاركة اللى فاتت واعمل اية

ابه ده اخدو حرف جدبد انا كده زعلت قووووووى

مش عارفه انا لسه مشتركه جديد النهارده وباجرب معاكى ههههههههه

هو لؤى دخل المدرسة السندى على سن اد اية

وانا برضو عمال اجرب يلا نستفيد ايوا واخد حرف جديد ولا يهمك انتى قوللو على الحرف وفى كراسة خارجية اكتبية ويخليكى يحفظو اكنو راح

4 سنوات و9 شهور و18 يوم

المشكله مش فى الحرف الجديد
كده هيكون متركم عليه واجب كتييييييييييير ربنا يستر

انا بعمل كدا مع بودى هما وصلو لحد فين فى العربى عندك عوزة اعرف مشين مع بعض ولالا

لالالا ولا متراكم ولا حاجة ربنا يستر انشاء الله

لا بودى 5 سنين و3شهور و18يوم

فى العربى وصلنا حرف د

واخبار الستورى مع بودى ايه لؤى قرحان بها قوى

ايوا كدا صح

طيب انتىايام التنسيق قدمتى فى تجريبى ولا قومى بس

بس من ساعت لما روحت المدرسة والمعاملة اتغيرت خالص والاهتمام

لا قومى بس

هو التجريبى اللغات نفس منهج الاولاد ولا مختلف

الحمد لله دى اهم حاجه ان تكون اداره المدرسه متعاونه
وانا متفائله بالمدرسه ان شاء الله خييييييييير

عوزة اعملو زيارة تانى للمدرسة

مش عارفه وعلى فكره المنهج ده جديد لسه السنه دى بس فى الفراعنه
من حظنا الحلو

وانا كمان يالا نتفق ونروح سوى

لالا المدرسة كويسة اوى انا عندى بنت خالى ابنها هناك فى سنة 3 ابتدائى بتقولى احسن من غيرها كتير

ايو الحمد الله المنهج حلو اوى

ايوه ده انا بقى لى كذا سنه بالف وادور على المدارس واعمل مواضبع فى المنتديات علشان اختار حاجه كويسه
والحمد لله

السنه اللى فاتت دخلته مدرسه خاصه بتاخد سن صغير
طبعا كان استيعابه مافيش

انتى عندك اولاد تانية غير لؤى

عوزين نحدد معاد ونروح سوا المدرسة

الحمد لله لؤى اخر العنقود
عندى اتنين غيره

بجد ربنا يخلى انا عندى طبعا بودى وبعدو جودى سنتين والتالت فى السكة فى شهرين

اوكى بس خليها بعد العيد افضل
كل سنه وانتى طيبه

ربنا يحفظهملك ويخليهم طب اولادك فى سنة كام