نصائح مهمه اوي للي عنده لابتوب

1) اياك تستعملي اللابتوب في عربيه او قطار او اي مكان مش ثابت لازم تكوني قاعده على مكتب او طرابيزه (ليه بقى ) عشان الهارد ديسك هيبوظ منك لو مستغربه و هتقولي امال اللابتوب معمول ليه هقولك انا ليه بالسبب اللي هيحصل لما اللابتوب يتحرك من مكانه وهوا شغال هيتخدش من جوا و مع الوقت هيجيلوا بادسيكتور (اعتبري الهارد من جوا سيديهات )


2) لما تيجيبي اللابتوب لازم تيجيبي معاه ادوات تنظيف اللي هيا بخاخ وقماشه مخصوص ليها وفرشاه (الحاجات دي بتتباع مع بعضها ) بس لازم تيجيبها


3) كل فتره بصراحه مش عارفه اد ايه ممكن 6 شهور مثلا خلي حد يفتح اللابتوب بتاعك من جوا و ينضف المروحه (لأن مع الاتربه اللي بتتجمع ممكن المروحه تعلق بعد كدا و انتي مش حاسه و تلاقي الجهاز بيسخن اوي وانتي مش عارفه ليه )



4) دي بقى مهمه اوي لما تكوني بتستعملي اللابتوب من غير بطاريه لازم تشيليها (في اجهزه جديده بتفصل البطاريه تلاقئي لما اوصل الشاحن فا مش محتجين يعملوا كدا) 5) لو كنتي بتستعملي الشاحن علطول ونادرا ما تستعملي البطاريه ابقي اشتغلي مره في الاسبوع على البطاريه لحد ما توصل ل 10% وبعدين اشحنيها و اشتغلي عادي


6) لو كنتي لسه جايبه اللابتوب اوصليه بالشاحن وسيبيه من غير ماتستعمليه 12 ساعه وبعدين ابقيه استحمليه على البطاريه لحد ما يفصل منك حوالي 6 مرات الحركه دي هتنشطط البطاريه تخليها تستحمل معاكي 3 سنين (العمر الافتراضي بتاعها)



7) شغلي برنامج زي ccleaner ,advanced system care البرامج دي هتصلح الاخطاء اللي في الوندوز وتمحي الحاجات اللي ملهاش لازمه طبعا مش شرط البرنامجين دول في برامج تانيه مجانيه


النصائح دي مهمه اوي خصوصا البطاريه لوطنشتي وكسلتي على حكايه البطاريه مش هتفضل معاكي غير سنه واحده وتضطري تجيبي غيرها


منقول للافاده