أمي ..أهديكي كلماتي بقلم - مايسة البانوبي

أهديكي كلماتي يا اول حب في حياتي
يا ست الكل يا اغلى هدية من رب السماوات
حفظك الله يا ضوء الحياة

أه يا أمي لو تعرفي
قد إيه برتاح لصوتك
كلمة منك حتى إنك
لو تقولي أتمنى موتك
بردو احبك وأعشقك
وأكره سكوتك
غصب عني
مش بخطري
ابعد وافوتك
صدقيني
لو دخلتي
جوا قلبي
هتلاقيني
حفرت صورتك
ويا شوقي
بدمع عيني
بصي شوفي
حتى لونها
لون حنيني
أه يا أمي
لو تحضنيني
انسى عمري
وأحس بيكي
بتولديني
وابقى طفلة
جوا حضنك
م البداية تعلميني
ألقى ايدي
ماسكة قلمي
ومسنودة بإيديكي

أبدأ اكتب
أحبك انتي
وروحي فيكي
وان حبيتي
اتهجى كلمة
عرفيني
هصرخ وأقولك
بعلو
صوتي
بتوحشيني
مانتي أمي
نبض قلبي
وضي عيني

بنتك

الطير المهاجر

ربنا يخليكى ليا يا امى ويطول ف عمرك