عندك عزومة.؟؟؟................كيف تحافظى على نظافة مطبخك اثناء الشغل

الإثنين 10 سبتمبر 2012, 6:25 am

كتير بنشوف ناس و هى بتطبخ يبقى مطبخها كإنه خارج من معركة حربية هههههههههه
خصوصا لو كانت بتحضر لعزومة لانها بتكون متوترة و خايفة للاكل يتأخر
و دة طبعا بيكون محرج جدا لها لو احد من الموجودين دخل المطبخ و انتوا بتجعوا الاطباق بعد الاكل
و بتكون مأساة بعد ما تذهب الضيوف لانك اصلا بتكونى تعبتى و لا تستطيعى تعملى شىء
طيب ما تحاولى تنظمى نفس و وقتك سواء كنتى بتحضرى لعزومة او بتحضرى الاكل عادى
كيف ؟؟؟

نبدأ الشغل

نبدا بقى من الاول خالص و
هو لما تجيبى الخضار من السوق

نعمل حاجات بسيطة

اللحوم
طيب نتكلم بقى على لو اشترينا لحمة او فراخ او سمك
اللحمة
ما تغسليها قبل التخذينمرة واحدة فقط حتى لا تفقد قيمتها

بس هاتقسميها على اكياس و لو فيها لحمة مفرومة لو هاتعمليها كفتة ممكن
تتبليها قبل ما تحطيها فى الفريزر علشان تبقى متبله جاهزة لما تيجى تسويها و
لو هاتعصجيها ممكن تحفظيها فى الفريزر متعصجة هاتوفر عليكى وقت كتير عند
الطبخ
الفراخ
الفراخ و تغسليها كويس بالملح من برة و من تحت الجلد وتطلعى كل الغشاء اللى
بيربط الجلد باللحم و بعدين تشوفى لو الرئة موجودة تشيليها و تغسلى القفص
الصدرى من جوة كويس و لو البلعوم موجود تشيليه برده و تنقعيها بقى فى ماية و
خل واو ليمون شوية كدة تشطفيها كويس و تحطيها فى كيس فى الفريزر و لو
هاتتبليها للشوى او لعمل صينية فى الفرن ممكن برده تحطيها فى الفريزر متبلة

السمك
هاتفتحى بطنه و تنظفى كل اللى فيها و هاتغسليها كويس من السلسلة من جوة من
اثر الدم و الخياشيم تشيليها و هتلاقى تحت الخياشيم على طول شوكة كدة
جامدة اكسريها و نضفى الدم اللى تحتها و بالسكينة شيلى كل القشر بتاع
السمكة و انفعيه فى مية ملح و خللمدة ساعة حتى تتخلصى من اثر الدم و
تتبلية و تشيليه فى الفريزر
الجمبرى
هاتقشريه بس سيبى الذيل بيعطى شكل حلو للجمبرى و بالسكينة تفتحى ضهره و
هاتلاقى خيط كدة طويل شيليه كله و اغسلية و بعدين انقعيه فى ميه وملح
وليمون و تبليه و شيليه فى الفريزر
خلاص كدة عندنا كل اللحوم جاهزة فى الفريزر على التسوية يعنى هاتوفرى كتير من الوقت

العزومة
طيب عندك عزومة
اعملى حسابك ديما انك تجهزى نفسك قبلها بيوم يعنى اللى تقدرى تجهزيه اليوم اللى قبلها جهزيه مثلا
1- الخضار ممكن تسوية نص تسوية و تانى يوم يبقى ناقص على كمالة تسويته فى الشوربة
2- الارز ممكن تجهزيه و تنقيه و تسيبيه قفى الطبق اللى هاتغسليه فيه
5- المكرونة البشامل ممكن ترصيها و تشيليها فى التلاجة و تبقى برده جاهزة على التسويه
6- ما خلاص احنا متبلينهم بس هاتطلعيهم من الفريزر فى التلاجة من تحت علشان
يفكوا براحتهم و لو هاتسلقى اللحمة او الفراخ ممكن برده تسلقيهم قبلها
بيوم و تبقى تحمريهم يوم العزومة
7- الحلويات بقى او العصاير ممكن برده نجهزهم قبلها بيوم
و كدة يوم العزومة مش هايبقى وراكى غير انك تباشرى الاكل و تشوفى بقى الشقة
لو فيها حاجة عاوزة تتظبط حكم العيال مابيسيبوش حاجة على حالها ابدا
هههههه

الطبخ
نيجى بقى للطبخ
1- ادخلى دايما المطبخ قبل الوقت اللى هايستغرقه الاكل بساعة او نص ساعة
تحسبا لاى ظروف و بعدين علشان يبقى عندك وقت كافى لتوضيب المطبخ بعد الطبخ
2- خلى دايما شغلك جوار الحوض و لا تمسكى اى شىء الا لما تكون يدك نضيفة
3- ضعى جوارك طبق للمعالق اللى بتطبخى بيها حتى تحافظى على نظافة المكان ونظافة الملاعق
4- الحاجة اللى تستعمليها تغسليها على طول لا تتركيها فى الحوض و تجديها تراكمت عليك
5- خلاص انتهيتى و باقى بس الطعام على البوتاجاز اغسلى الحوض و و لمعى رخامات المطبخ
6- هاتى المقشة و اكنسى المطبخ و لمعى الارضيات بمنظف ارضيات عطرى
7- الاكل انتهى من الطهى ارفعيه من على البوتاجاز و لمعى البتجاز ببخاخ البتجاز ونشفى بفوطة صغيرة علشان يبقى نضيف
8- قدمى بقى الاكل بس بهدوء حتى لاتسقطى فتيتات حولك

كدة خلاص الاكل خلص و المطبخ زى الفل

وشغلى فواحة او بخور و البيت ريحته حلوة ولم يعد وراك وراكى حاجة غير غسيل الاطباق مكان الاكل بس

الإثنين 10 سبتمبر 2012, 9:06 am

تسلمين عالمعلومات الرائعة
بانتظار جديدك

عندك عزومة.؟؟؟................كيف تحافظى على نظافة مطبخك اثناء الشغل

عندك عزومة.؟؟؟................كيف تحافظى على نظافة مطبخك اثناء الشغل

رد: عندك عزومة.؟؟؟................كيف تحافظى على نظافة مطبخك اثناء الشغل