طرق فطام طفلك من الرضاعه الطبيعيه

كثير سمعت إن الطفل اللي يعتمد ع الرضاعه الطبيعيه فطامه صعب اكثر
من الطفل على الحليب الصناعي
فكنت شايله هم وخايفه لاني شفت [بنووتي ]كثير متعلقه فيه وما تنام الا عليه
وكنت أفكر كثيراًً في وقت الفطام وكيف أحافظ على نفسية بنتي
ما تتدمر لانه بتنتقل من مرحله لمرحله ثانيا تماما

زااد خووفي وكنت أأجل السالفه والفطمه
لكن قبل ثلاث ايام قررت واخذت قرار حاسم وقلت خلاص بيكفي
لأن بنتي عمرها سنه وتسع شهووور يعني خلاص قربت ع سنتين
:
وانا قبل ما ابداء بمراسيم الفطام والانفصال قريت وتثقفت شوووي
وقريت انه اهم شي:
** إختيار الوقت المناسب
يعني مايكووون وقت الصيف لان سبحان الله كلنا في الصيف نفقد سوائل من الجسم

وبكذا يهزل جسم الطفل اكثر

لذا حاووولي قدر الامكان يكون الفطام وقت الشتاء او مو بعز الصيف
بس انا ها النقطه فاتت علي لان الشتاء راح بس انا اشوف انه لسى ما دخلنا بعز الصيف
واصلا خلاص ما اقدر أأخر الفطام اكثر من كذا
كلها شهرين وتكمل عسولتي[ سنتين]

وعلشان مايكون الفطام مفاجئ وأسبب لها صدمه نفسيه أو اضطرابات في الجهاز الهضمي
بدأت بالتدريج بحيث قمت بتقليل عدد الرضعات في اليوم لتقليصها لزيرو 0
وخلال هذه الفترة ماحرمتها من عاطفة الأمومه بالذات من[ الضم والحنان ]
لانه زي ما قلت الطفل بيكووون بحاله مزاجيه سيئه
لذا حسسيه بالدفى والحب و الحنان وان الفطام انفصال فقط من الرضاعه وليس منك انتي

واهم شي يا عزيزتي يكووون عندك صبر شويات لانه اصعب شي الايام الاولى
فحاااوولي تعووضيه وتلهيه بشي هو يبحبه مثل:
[نزهه لمدينة الألعاب او شراء له حلويات وألعاب ]
:
من تجربتي الخاصه:
كنت اسمع الحريم بيقوولوا ننصحك اذا فطمتيه لا يشووف صدرك عشان ما يتذكر ويرجع يطفشك عليه بس انا اقووول
عادي خليه يشووفه ويشووف انه خلاص كبر وماراح يرضع منه
يعني زي بنتي تقوولي [ هذا يع اقوولها ايه يع خلاص انتي حلوه وهو يع ]
وخلاص صارت تقووول عليه [يع بعد ما كان الننه <<< الله يا الدنيا]
هذي الطريقه أشوفها الأنسب
لان ممكن طفلك يشوف اي ام ترضع طفلها ويجلس يبكي ويحن له اذا ما كرهه
بس كريهه فيه احسن عشان مهما شاف بكرى ما يحن له

انا ما حطيت الخرابيط الا بيقووولو عليها الحريم
حطي [..مر ..فلفل ...ومن ها الكلام ]
قلت انا ابغاها تسيبه ع اقتناع مو با الاكراه <<< ههههههه والله قلبتها قضيه


وكمان كنت اقوول لاختها الكبيره شوفي اذا شفتي أختك ترضع قولي لها
[ لا مو حلو ليه كذا الحلو ما يشرب اليع]
وصرت احس انه من جد كرهت وخصوصا من كلام اختها لان هي كثير متعلقه باختها الكبيره وتسمع كلامها << ربي يحميهم



[ مشكلة مؤقته]
صادفتني مشكلة وقت النووووم ( من جد بيتعبك)
انا با البداية فاطمتها وهي صاحيه وكنت ارضعها وهي غاطه في النوووم
وشوي شووي بدايت اخفف عدد الرضعات وقت النوووم لين قطعته با المره
وقبل لتنام اكلها واشربها حليب



[نصيحه]
عودي طفلك ع شرب الحليب في كوووب الاطفال عشان ما يتعوود ع ترك الحليب نهائيا
وممكن تحطي مع الحليب شوية عسل او شكولاته عشان يحبه اكثر
و كثفي عليه عدد الوجبات عشان ما ينقص وزنه بعد الفطم
بنسبه للصدر اذا تورم من الحليب اشتري المضخه كثير حلووو وتنزل لك الحليب وتخفف التورم
واشربي ميراميه بنشف الحليب << معروف عنها هذا الشي
هو فيه في الصيدليه حبوب تجفف الحليب بس انا ما احب اخذ اي شي
يلعب بجسمي بفضل اشياء طبيعيه اكثر
وهو سبحان الله الطفل اذا ما مص خلاص بيوقف در الحليب

[ النهايه ]
حبيباتي :~ هذه تجربتي لاني ما كنت اتوقع اني اوصل لهذي النتائج بفتره ثلاث ايام فقط
فــ بنتي كانت كثير متعلقه في الرضاعه الطبيعيه وانا ما اعطيتها صناعي با المره
:
ومن لديها تجارب تفيد فيها اخواتها..فلا تقصر فيها
وربي يصلح لكم ذريتكم ويخليهم لكم
دمتم بود
بإذن الله

منقول للفائدة