طريقة عمل الخبز البوري في المنزل بطريقة سهلة وبسيطة

النهارده هنقدّم لك طريقة عمل الخبز البوري في المنزل بطريقة سهلة وبسيطة؛ علشان تقدّمي لأسرتك خبز طازج وشهي..

الخبز البوري
المقادير
زيت للقلي
1 كوب ماء
2 كوب دقيق
½ كوب لبن دافئ
ملعقة صغيرة زيت
ملعقة صغيرة بيكنج بودر
ملعقة صغيرة خميرة فورية
ذرة ملح

الطريقة:
1- اخلطي المية والدقيق في طبق كبير واعجنيهم بإيديكي، وضيفي عليهم البيكنج بودر والملح والزيت والخميرة، واعجنيهم كويس لحد ما يمتزجوا، وضيفي اللبن بالتدريج لحد ما تبقى العجينة قوامها مضبوط، وتكون مش بتلزق في إيديكي، وتكون في نفس الوقت ناعمة وسهلة التشكيل.

2- قطّعي العجينة كور صغيرة وسيبيها في الطبق، أو على رخامة المطبخ لمدة نص ساعة علشان تختمر.

3- افردي العجينة المقطّعة بحيث تبقى رقيقة أوي، وبعدها اقليها في زيت على نار متوسّطة، وخلي بالك إنك ترفعيها من على النار أول ما لونها يبقى دهبي؛ لأنها ممكن تتحرق بسرعة، وممكن تقدّميها مع المشويات المشكّلة.. وبالهنا والشفا.

السلام عليكم ورحمة الله وبركاته
فن ابداع تميز روعة شهي
يسلمو ايديكم على هذه الاطباق والاصناف الشهية
شكرا ما قصرتم بارك الله فيكم على كل مجهود بذلتموه
في المنتدى واصلوا تميزكم في الأقسام والمواضيع
منورين المنتدى بمواضيعكم المميزة و الرائعة
بانتظار كل ماهو جديد منكم
تحياتي مسك وعنبر